Қысқы Олимпиада жүлдегерлеріне қанша сыйақы беріледі

Қысқы Олимпиада 2018 Пхенчхан2018 сыйақы мөлшері жүлдегерлер Оңтүстік Кореяның Пхенчхан қаласындағы Қысқы Олимпиада ойындарынан жүлдемен оралған спортшыға қанша сыйақы берілетіні белгілі болды.

Бұл туралы Мәдениет және спорт министрлігі спорт комитетінің төрағасы Елсияр Қанағатов айтты.

«Медаль алған спортшыларға өткен Олимпиада ойындары секілді сыйақы беріледі. Бірінші орын алған спортшы мен оның бапкеріне 250 мың доллар қарастырылған. Екінші орынға – 150 мың, үшінші орынға – 75 мың доллар. Алтыншы орынға дейінгі спортшыларға сыйақы бар. Бұған дейін де сыйақы мөлшері осындай болды», – деді Қанағатов. Демек, өткен ойындармен бірдей болса, төртінші орын алған спортшыларға 30 мың доллар беріледі. Бесінші орын – 10 мың, алтыншы орын – 5 мың доллар. Айта кетейік, Пхенчханда өтетін Қысқы Олимпиада ойындары 9 ақпанда басталып, 25 ақпанда бітеді.