Хабиб Нурмагомедов келесі жекпе-жегі үшін қанша ақша алады?
Жеңіл салмақта UFC чемпионы Хабиб Нурмагомедов промоушеннің уақытша чемпионы америкалық Дастин Порьеге қарсы жекпе-жегі үшін гонорары алты миллион доллар болады, - деп хабарлайды sports.ru. Осылайша, ресейлік файтер UFC-дің екі салмақта чемпионы болған Конор МакГрегорға қарсы жекпе-жегіндегі гонорарынан үш есе көп алады. Нурмагомедов ол кезде негізгі төлем ретінде екі миллион алған еді. Нурмагомедов - Порье жекпе-жегі 7 қыркүйекте Әбу-Дабиде өтетін UFC 242 турнирінде болады. Америкалық соңғы төрт жекпе-жегінде UFC-дің екі бұрынғы (Эдди Альварес пен Энтони Петтисті) және қазіргі чемпионын (Макс Холлоуэй) жеңген.
