"Канело" мен Ковалев қарашада жұдырықтасуға келісті - БАҚ

Мексикалық боксшы Сауль Альварес пен ресейлік Сергей Ковалев 2 қарашада жекпе-жек өткізуге келісті, - деп хабарлайды Theathletic.com. Кездесу Лас-Вегаста өтеді.

  Боксшылардың жекпе-жегі жайлы келесі аптада ресми түрде хабарланады. Жекпе-жек жартылай ауыр салмақта өтеді.

  Айта кетейік, тамызда Ковалев британиялық Энтони Ярдке қарсы жекпе-жекте жартылай ауыр салмақта WBO чемпионы белбеуін қорғап қалған еді. Жекпе-жектен кейін Ковалев жартылай орта салмақта WBA және WBC белбеулерінің иегері мен екінші орта салмақта WBA тұрақты чемпионы Сауль Альвареспен жұдырықтасқысы келетінін айтқан болатын.

https://kaz.tengrinews.kz/boxing/kanelo-men-kovalev-karashada-judyiryiktasuga-kelst-bak-300923/