Kyzylorda-news.kz. ҚР еңбек және халықты әлеуметтік қорғау министрі Біржан Нұрымбетов зейнетақы төлемдері қашан индекстелетінін айтты. 

«Зейнетақы төлемдерін және мемлекеттік әлеуметтік жәрдемақыларды индекстеу сәуір айынан басталады. Президент айтқандай, зейнетақы мен жәрдемақыларды индекстеу жыл сайын 10% құрайды», – деді Біржан Нұрымбетов брифингте.

Бұл дегеніміз, 2020 жылы зейнетақы мен жәрдемақы мөлшері 2019 жылмен салыстырғанда 10 пайызға өсуі керек.

«Яғни, жылдың басында болған индекстеу ескерілетін болады және әрине, ол жыл сайын 10% -ға дейін жеткізіледі», – деді министр.

Еске салайық, мемлекет басшысы Қасым-Жомарт Тоқаев халық алдында сөйлеген сөзінде елдегі зейнетақы инфляциямен индекстелетінін айтқан болатын.

«Мен зейнетақыларды және әлеуметтік төлемдерді, оның ішінде АӘК мен әлеуметтік көмекті жыл сайынғы 10% -ға индекстеуді тапсырамын», – деді Тоқаев.

Президенттің айтуынша, бұл азаматтардың тиісті санаттарының кірістерінің жалпы 200 млрд теңгеге (446,4 млн доллар) артуын білдіреді.