БАЛАБАҚША ТӘРБИЕШІЛЕРІ ТӘЖІРИБЕ АЛМАСТЫ

Аудандық мектепке дейінгі барлық ұйымдар арасында аймақтық бірлестіктер құрылып жұмыс жүргізілуде.

Осы орайда 23 сәуір күні қаламыздағы жеке "Нұрай"балабақшасында тәжірибе алмасу мақсатында «Үйірме жұмысындағы баланың жеке тұлғасын қалыптастыру» тақырыбында іс-шара өтті. Аймақтық іс-шараға қаламыздан "Сартай", «Толқын», «Балдырған» балалабақшалары, ауылдық жерлерден «Балбөбек» балабақшасы және №22, №82, №263 толық шағын орталық тәрбиешілері қатысып, үйірме жұмыстары бойынша тәжірибе алмасты.

Аймақтық іс-шараға қатысушылар өткізілген барлық жұмыстардың соңында бас қосып, шараны ұйымдастырып отырған балабақша ұжымына өз ризашылықтарын білдірді. Іс-шара жоғары деңгейде ұйымдастырылды. Алдағы уақытта «Нұрай» балабақшасы ұжымына шығармашылық табыс тілейміз.