Жанашыр азаматтарға алғысым шексіз

Қыс-көктем мезгілдерінде қар мен жауын-шашын мөлшерінің аз болуына байланысты Арал ауданында қуаңшылық жағдайы орын алды.Құрғақшылық белең алып, мал шаруа­шылығына орасан зиян келіп отыр. Малдың жем-шөбін тауып беруде қиналғанымыз рас. Мал азығының тапшылығынан қатты қысылып, жем-шөп таппай дағдарып қалғанымыз рас. Өйткені жарытып жаңбыр да жаумаған еді. Мал бағу оңай шаруа емес. Күнделікті тіршілікте малға беретін жем-шөбін ойлап отырамыз.  

Алайда, аймақ басшысының тапсырмасына сәйкес, мал азығы мәселесін шешудің жүйелі жоспары жасалыпты дегенді естіген болатынбыз. Б. Өтемұратов қорынан қаржы бөлініп, жем-шөппен беріледі деген хабар да бізді бей-жай қалдырмады. Мәселе оңтайлы шешімін тауып, осындай қысыл-таяң уақытта аудан тұрғындары жем-шөппен қамтамасыз етілді.
Жақында мен де Үкімет тарапынан бөлінген көмектен қолымдағы бағудағы малдарыма 20 пресс шөп пен 20 қап жем алдым. Соған сәйкес осындай қиын сәттерде мәселені әп-сәтте қолға алып, қол ұшын созған аймақ басшысына, ел азаматтарына, жанашырлық танытқан еріктілер тобына алғысым шексіз.     

Күләш ШИМАНОВА,
қала тұрғыны