"Ауыл аманаты" жобасы аясында кездесу өтті

Бүкіл еліміз бойынша Үкімет AMANAT партиясымен бірлесіп, ауыл тұрғындарының әл-ауқатын жақсартуға және проблемаларын жедел шешуге мүмкіндік беретін "Ауыл аманаты" жобасына жол ашып берді. Соған сәйкес "AMANAT" партиясының жетекшілігімен жүзеге асырылатын "Ауыл аманаты" жобасы шеңберінде ауыл шаруашылық саласының өкілдерінің, шаруа қожалық иелерінің қатысуымен кездесу өтті.

Ауыл тұрғындарының жұмыспен қамтылуы мен табысын арттыруға бағытталған жобаның мақсаты – ауыл шаруашылығы тауарын өндірушілерге жан-жақты қолдау көрсету, ауыл тұрғындарын агробизнсеке тарту, азық-түлік қауіпсіздігіне қатысты мәселелерді шешу, азаматтардың өмір сүру сапасын арттыру болып табылады.

Жалпы бағдарлама шеңберінде 2023-2025 жылдары аралығында әр жыл сайын еліміздің барлық облысына жобаны жүзеге асыруға арналған бюджеттік несие бөлу көзделіп отыр. Заңнамаға енгізілетін түзетулер пакеті әзірленді. Ол қаражат алу тетігін айтарлықтай жеңілдетіп, жобаны іске асырудың тиімділігін арттырады. Бұл жоба ел игілігі үшін маңызды. Кездесу соңында халыққа бағыт-бағдар беруге арналған кездесуде ұсыныс-тілектер тыңдалды.

"Толқын" ақпарат