Директорлар додасының жеңімпаздары марапатталды

Мектеп директорларының инновациялық және кәсіби маңызды тәжірибесін анықтау және тарату, білім беру жүйесіндегі мәртебені көтеру және кәсіби имиджді қалыптастыру мақсатында ұйымдастырылған «Бір мектеп – бір жоба» облыстық байқаудың аудандық кезеңі өз мәресіне жетті. Екі күнге созылған тартысты додада барлық мектеп басшылары өз пәндері бойынша ашық сабақтар өткізіп, мектептің даму бағдарламасы аясында жоспарлаған жеке жобаларын қорғады. Нәтижесінде бабы мен бағы қатар шапқан директорлар жеңіс тұғырынан көрінді.

Олардың қатарында:

І орын - Әліби Әбілбаев, №220 орта мектебінің директоры

ІІ орын - Нұрлан Көптілеуов, №82 орта мектебінің директоры

ІІ орын - Салтанат Абдуллаева, №71 орта мектебінің директоры

ІІІ орын - Хадиша Орынбасарова, №14 мектеп-лицейінің директоры

ІІІ орын - Шара Бекеева, №83 орта мектебінің директоры

ІІІ орын - Күләйша Сүлейменова, №177 орта мектебінің директоры

Ал өзге директорлар сайысқа белсене қатысқаны үшін арнайы алғыс хат пен номинацияларға ие болды.

Айта кетейік, жеңіс тұғырынан көрінген алғашқы үштік сайыстың облыстық кезеңінде өнер көрсететін болады.

Аталған мектеп басшыларын ауданның бас ұстазы Санира Жанназарова арнайы қабылдап, марапаттады. Сондай-ақ алдағы жарыс жолына сәттілік тілеп, зор ықыласпен сенім білдірді.