"Ауыл аманаты" жобасы аясында Бесарық ауылында шағын өндірістік аймақ ашылды
Мемлекет басшысының бастамасымен халықтың табысын арттыру мақсатында жүзеге асып жатқан «Ауыл аманаты» жобасымен өткен жылы аудан бойынша 273 млн. теңгеге 18 жобаға өтінім беріліп, 10 жоба қолдау тапты. Бұл туралы Сырдария ауданының әкімі Берік Сәрменбаев Өңірлік коммуникациялар қызметінің баспасөз алаңында өткен баспасөз конференциясында баяндады.
- «Ауыл аманаты» жобасы аясында кәсіпкерлерді қолдау мақсатында «Абай-Дәулет» серіктестігі демеушілігімен Бесарық ауылында 3000 шаршы метр қамтитын ғимаратта шағын өндірістік аймақ ашылды. Ғимаратта 12 кәсіпорын орналасып, жеке кәсіпкерлер нысанды ақысыз, тегін пайдалануда, - деді аудан басшысы.
