Толқын Tolqyn.kz ақпараттық агенттігі
» » Министр көпбалалы аналар жайлы: Егер олар жұмыс сұрағанда, әңгіме басқаша болар еді

Министр көпбалалы аналар жайлы: Егер олар жұмыс сұрағанда, әңгіме басқаша болар еді

Бердібек Сапарбаев көпбалалы аналармен 3 маусым күні жүргізен диалогы немен аяқталғанын айтып берді.

Еңбек және халықты әлеуметтік қорғау министрі әйелдермен Нұр-Сұлтанда Үкімет үйінің жаңында әңгімелескен еді. Сапарбаевтың айтуы бойынша, көпбалалы аналар алғашқы бастапқы жарнаны төлемей, ипотеканы рәсімдемей, өздеріне баспана талап еткен. 
"Олай болмайды ғой. Барлығы заңға негізделуі керек. Бізде кезекте тұрған қарапайым адамдар бар. Оларға пәтерді бермей, кезекте тұрмаған әйелдерге үй берейік пе? Қазір көпбалалы отбасылардың саны — отыз бір мың. Үкімет оларды пәтермен қамтамасыз етуді мойнына алды. Ал жағдайы нашар әйелдерге біз демеушілерді тартып жатырмыз", — дейді министр. 
Бердібек Сапарбаевтың айтуы бойынша, жұмыс сұрайтын әйелдердің саны аз. 
"Осы толғандырады. Егер олар жұмыс сұрағанда, әңгіме басқаша болар еді. Олар "Бер, бер" дей береді. Олай болмайды ғой. Мамандық болмаса да, біз оларға жұмыс ұсынамыз. "Еңбек" бағдарламасы арқылы мемлекеттің есебіне оқып алуға болады. Мамандықты береміз, жұмысқа тұруына көмектесеміз және мемлекет тарапынан ақысыз грант, пайызы ең аз микрокредит береміз. Осымен келіскен әйелдер бар", — деді ол.
13 маусым 2019 ж. 413 0