Айгүл Шайымова ұлттық экономика вице-министрі болып тағайындалды
«ҚР үкіметінің қаулысымен Шайымова Айгүл Амантайқызы Қазақстан Республикасы ұлттық экономика вице-министрі қызметіне Жүнісбекова Мәдина Серікқызының оқу демалысы кезеңіне тағайындалды», - делінеді хабарламада.Айгүл Шайымова 1979 жылы Целиноград облысының Маринов ауылында туған. Гумилев атындағы Еуразия университетін, Қаржы полициясы академиясын, РФ президенті жанындағы Ресей халық шаруашылығы және мемлекеттік қызмет академиясын бітірген. Түрлі жылдары ҚР Қаржы полициясы агенттігінде, Экономикалық және сыйбайлас жемқорлық қылмыстары агенттігінде, ҚР Бас прокуратурасында жұмыс істеді.
2013-2014 жылдары ҚР Қауіпсіздік кеңесінің ситуациялық орталығы меңгерушісінің орынбасары қызметін атқарды.
2017-2016 жылдары Мемлекеттік қызмет істері және сыбайлас жемқорлықпен күрес агенттігінің аппарат жетекшісі болды.
2016 жылы Мемлекеттік қызмет істері вице-министрі қызметін атқарды.
2016 жылдың қыркүйегінен Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары қызметін атқарып келді.
