"Жомарт жүрек" қайырымдылық сыйлығына құжат қабылдау жүргізілуде

Арал ауданы бойынша "Рухани жаңғыру" бағдарламасы аясында туған жерінің дамуына, өркендеуіне үлес қосып жүрген жомарт жүректі азаматтарды, ұйымдарды, кәсіпкерлерді, еріктілерді, сондай-ақ, білім, ғылым, мәдениет, қоғам, медицина, спорт саласына қолдау көрсеткен жандарды құрметтеу, насихаттау мақсатында аудандық деңгейде "Жомарт жүрек" қайырымдылық сыйлығына құжат қабылдау басталғандығын хабарлаймыз.

Арал ауданы әкімдігі төмендегі номинациялар бойынша ұсынымдар қабылдайды.

"Жыл тұлғасы" - белсенді филантропиялық қызметі үшін. Лауреаттар тек жеке тұлғалар бола алады;

«Жыл меценаты» – белсенді меценаттық қызметі үшін. Сыйлық лауреаттары жеке тұлғалар ғана бола алады;

«Туған өлке» – кіші отанды қолдау бойынша әлеуметтік маңызы бар жобаларды іске асырғаны үшін. Лауреаттар жеке және заңды тұлғалар бола алады;

«Жылдың үздік ұйымы» – қайырымдылық бағдарламасын тиімді іске асыру үшін.

Тек заңды тұлғалар лауреаттар бола алады;

«Ерен еріктілік» – кешенді қайырымдылық қызметі үшін, елеулі әлеуметтік маңызы бар өзгерістер мен қайта құруларға алып келген қайырымдылық көмек үшін.

Байқауға қатысушылар құжаттары 2021 жылдың 18 маусымына дейін Арал ауданы, Астана көшесі №33 мекен-жайда, аудандық ішкі саясат бөлімінде қабылданады. Байланыс телефоны: 2-19-21.

Арал ауданы әкімдігінің баспасөз қызметі