Лукашенко Роза Рымбаеваға сыйлық табыс етті

Витебскте Жазғы амфитеатр жанындағы алаңда Роза Рымбаеваның атаулы жұлдызы пайда болдыБеларусь президенті Александр Лукашенко "Витебсктегі Славян базары-2018" халықаралық өнер фестивалінің ашылу салтанаты барысында қазақ эстрадасының әншісі Роза Рымбаеваға "Өнер арқылы бейбітшілік пен өзара түсіністікке" деп аталатын арнайы сыйлық табыс етті, деп хабарлайды Sputnik Беларусь тілшісі.
Бұдан бұрын хабарланғандай, Витебскте Роза Рымбаеваның атаулы жұлдызы пайда болған еді.
Sputnik Беларусь агенттігіне берген сұхбатында Рымбаева атап өткендей, бұл сыйлық – оның шығармашылығына берілген жоғары баға. 
Айта кетсек, Беларусьте 12-16 шілде аралығында "Славян базары" халықаралық өнер фестивалі өтеді.
Халықаралық байқауға Қазақстанның атынан 23 жастағы Ернар Сәдірбаев қатысады. Ол көпшілікке Әмре деген атпен белгілі. Сәдірбаев Жүргенов атындағы Қазақ ұлттық өнер академиясының төртінші курсында оқиды, R&B, Bossanova-Latino, Pop-classic, Pop жанрында ән айтады.

/sputniknews.kz/