Әміре Дима Биланға шапан сыйлады
Әmrе есімімен танымал қазақстандық әнші Ернар Садырбаев ресейлік "Голос" шоуында тәлімгері Дима Биланға шапан сыйлады, - деп хабарлайды Tengrinews.kz.Ернар тәлімгері екеуінің арасындағы әңгімені өзінің Instagram парақшасында жариялады. Дима Билан немере әпкесі Қостанайда тұратынын айтып қалды, Ернар да өзінің қостанайлық екенін айтты.
Әңгіме арасында Әmrе Биланға қазақтың ұлттық шапанын, қалқан мен қамшыны сыйға тартты.
"Бұл ерекше саяхат болды. Керемет әндер, сөздер, сәттер, кезеңдер өмірімнен орын алды. Барлық хаттарды, пікірлерді оқып шықтым, жылы тілектеріңізге рахмет! Мен өзімнің және елімнің абыройын лайықты түрде асқақтаттым деп ойлаймын!", деп жазды әнші.
