КІТАП AMANAT: Н. ТІЛЕНДИЕВТІҢ 100 ЖЫЛДЫҒЫНА АРНАЛҒАН ТАНЫМДЫҚ КЕШ ӨТТІ
Бүгін “AMANAT” партиясының “Кітап AMANAT” жобасы аясында “Көктем” бастауыш партия ұйымында қазақтың біртуар композиторы, атақты күйші, дирижер әрі қоғам қайраткері Нұрғиса Тілендиевтің 100 жылдығына арналған танымдық кеш ұйымдастырылды.Іс-шарада сазгердің өмір жолы мен шығармашылық мұрасы кеңінен сөз болды. Қатысушылар Тілендиевтің ұлттық музыка өнеріндегі қайталанбас қолтаңбасына тоқталып, оның қазақ мәдениетіне қосқан өлшеусіз үлесін ерекше атап өтті. Сонымен бірге композитордың халық жүрегінде жатталған шығармалары тыңдалды.
Кешке қатысқан жастар өкілдері Нұрғиса Тілендиевтің шығармашылығын дәріптеу ұрпақ тәрбиесінде маңызды рөл атқаратынын жеткізді.
#АМАНАТ
