Еңбексіз өмір мәнсіз
Әлемнің әміршісі – еңбек. Тек еңбекпен ғана жеміс өнбек, тек еңбек қана бар қиындықты жеңбек. Рас, бүгінде еңбек бар қиындықты шешуші ұлттық фактор екені уақыт өткен сайын айқындалып келеді. Бүгінгі заман да осы еңбек нарығымен үнедесіп алға жылжуда. Демек, біз бүгін де, бүгіннен кейін де еңбек ету арқылы бақытқа жетіп, қуанышқа кенелетінімізді ұмытпағанымыз жөн. Еңбек майданында іріктелу әсте табандылық пен төзімділікті қажет етеді. Қазір еліміздің алдында тұрған ең маңызды мәселе еңбек ету деп ойлаймын. Дағдарыс жаһандық деңгейде еңсерілген жоқ және әлемдік қоғамдастық қысымды жағдайда тұр десек те бұл қиындықтарды еңсеруші басты құндылық еңбек. Сондықтан мен өз замандастарымды аянбай еңбек етуге шақырамын. Демек, кез келген ел басына түскен қиындықтардан еңбек ету арқылы өтеді. Олай болса еңбексіз өмірдің еш болатынын біздегі әрбір жас пен жасамыс жете ұғынып, әркім өз алдына тырбынып бейнет қылса дейміз.
Е.Есқали,
Қорқыт ата атындағы Қызылорда университетінің 1 курс студенті
