15 тамызға дейін қандай ұйымдар вакцина алуға міндетті?

ҚР Бас санитарлық дәрігерінің қаулысына сай, бірқатар мекеме қызметкерлері 15 тамызға дейін КВИ вакцинасының бірінші компонентін, 1 қыркүйекке дейін екінші компонентін алуы керек, деп жазады Egemen.kz.

Вакцина алуға міндеттелген ұйымдар арасында халыққа қызмет көрсету нысандары, мемлекеттік органдар мен ұйымдар, өндіріс, құрылыс нысандары, көтерме және бөлшек сауда, мәдениет және демалыс, жолаушылар тасымалдайтын ұйымдар, қоғамдық тамақтану нысандары, санаторий-курорттық және сауықтыру орындары, денсаулық сақтау, бос уақытты өткізу және т.б. мекемелер бар.

Бұл ретте соңғы 3 ай ішінде тұрақты медициналық қарсы көрсетілімдері бар және COVID-19-бен ауырып жазылғандар екпеден босатылады.

Ал вакцина алмаған немесе жеті күн сайын ПТР-тест тапсырмаған қызметкерді жұмысқа жіберген ұйымға айыппұл салу қарастырылған.