Толқын Tolqyn.kz ақпараттық агенттігі
» » Ұзақ өмір сүру үшін қанша сағаттық ұйқы қажет

Ұзақ өмір сүру үшін қанша сағаттық ұйқы қажет

Ұйқы режимі жүрек жеткіліксіздігінен сақтану үшін өте маңызды. Бұл туралы Express басылымы АҚШ-тың Жаңа Орлеан қаласындағы Тулейн университеті ғалымдарының зерттеуіне сілтеме жасап хабарлады.
Мамандар ұйқы режимі жақсы адамдарда жүрек ауруларының қаупі едәуір төмен екендігін анықтады. Олар 7-8 сағатқа дейін ұйықтауды жақсы режим деп санайды. Зерттеу барысында ғалымдар 37 мен 73 жас аралығындағы 408 802 адамды бақылады, олардың ішінде 5 221 адамға жүрек жеткіліксіздігі диагнозы қойылған. Олардың ұйқы режимінде де проблемалар байқалған: кейбіреулері ұйқысыздықтан зардап шеккен, кейбіреулері түн ортасында оянып кететін, ал қалғандары тым аз ұйықтайтын болған.
18 қараша 2020 ж. 545 0