Оңтүстік Корея далада маскасыз жүруге рұқсат беріледі

Оңтүстік Корея билігі 2 мамырдан бастап ашық ауада маска тағу міндетінің күшін жояды, бірақ әлеуметтік қашықтық сақтау қажет. Мұндай мәлімдемені ел премьер-министрі Ким Бу Гём жасады, деп хабарлайды ҚазАқпарат меншікті тілшісі.

Оңтүстік Кореяда таза ауада маска тағу міндеті 2020 жылдың қазанында эпидемиологиялық жағдайдың өршуіне байланысты енгізілді. Маска режимін бұзғандарға әкімшілік айыппұл салынды. Жаңа ережеге сәйкес, егер далада әлеуметтік қашықтық мүмкін болмаса, онда маска тағуға кеңес беріледі. Алайда, 50-ден астам адам қатысатын қоғамдық, спорттық және мәдени шараларда ашық ауада маска тағу міндетті. Оңтүстік Корея COVID-19 жұқтырғандар санының азаюына байланысты коронавирусқа дейінгі өмірге қайта оралып жатыр.