Жапонияда 20 көлік соқтығысып, он адам зардап шекті

Жапонияның Нара аймағындағы Кашихара қаласындағы тас жолда 20-ға жуық көлік бір-бірімен соқтығысты, деп хабарлайды Egemen.kz NHK басылымына сілтеме жасап.

Оқиға бүгін жергілікті уақыт бойынша таңғы 10 шамасында болған. Қазіргі уақытта жол апатынан зардап шеккен 10 адам анықталды. Құтқарушылар оқиға орнында жұмыс істеп жатыр.

Магистральда көлік қозғалысы уақытша тоқтатылды.