Иранның Бендер-Аббас портындағы жарылыстан қаза тапқандар 14-ке жетті

Иранның Бендер-Аббас қаласындағы Шахид-Раджай теңіз портында болған жарылыс салдарынан қаза тапқандар саны 14 адамға жетті. Бұл туралы 26 сәуірде Иран Ішкі істер министрлігі ресми түрде жариялады, деп хабарлайды BAQ.KZ.

CNN мәліметінше, жарылыс нәтижесінде кемінде 750 адам түрлі дәрежеде жарақат алған. Шахид-Раджай портында болған жарылыстың күші ғимараттар мен көліктерге айтарлықтай зақым келтірген. Сонымен қатар, алты адам хабар-ошарсыз кеткені айтылды.

Оқиға салдары мен себептері бойынша тергеу жүргізілуде.

Фото: baq.kz