Онлайн-олжа: Төтенше жағдай турлы лезде хабарлайтын "Darmen" қосымшасы

Алматылық абоненттерге Төтенше жағдайлар департаменті жіберетін SMS-хаттар таныс. Жауын-шашыннан кейінгі сел, таудағы қар көшкіні, жер сілкінісі сияқты төтенше жағдайлар туралы SMS-тер абоненттерге жіберіледі. Бірақ SMS барлығына бір уақытта бармайды. Сол себепті Алматы қаласының төтенше жағдайлар департаменті "Darmen" атты қосымша жасаған деп хабарлайды massaget.kz.

"Darmen" департаменттің хатын push-хабарландыру арқылы көрсетеді. Хабарландыру SMS-тен бұрын келеді. Бұдан бөлек қосымшада ұшақтардың, пойыздардың, автобустардың кестесі, велостанциялар картасы бар. "Darmen" күнде "Қазгидромет" дайындаған ауа-райы болжамын да ұсынып отырады.

"Darmen" қосымшасын өңдеу үшін Жапония мен АҚШ-тың ұялы қосымшалар арқылы халықты хабарлау тәжірибесі қолданылған. Қосымшаны App Store, Play Market онлайн-дүкендерінен жүктеуге болады.