Австралияның Жаңа Оңтүстік Уэльс университетінің ғалымдары ер азаматтар әйелдерге қарағанда қысқа өмір сүруі олардың өмір салтына ғана емес, ағзаларындағы хромосомаға байланысты екендігін анықтады. 

Ғалымдардың пайымдауларынша, ер адамның бойындағы ХY-хромосомалары  әйелдердің ХХ-хромосомаларымен салыстырғанда ағзасын қорғау қабілеті едәуір төмен. Зерттеушілер маймылдардан бөлек, басқа да сүтқоректілерге, құстарға, қосмекенділерге, балықтарға, өрмекші тұқымдастарға және жәндіктерге тәжірибе жүргізген. Нәтижесінде олардың еркектерінің өлімі ұрғашыларына қарағанда 17,6%-ға көп екендігі анықталыпты.