Толқын Арал аудандық қоғамдық-саяси газет
» » Samsung телефондарын оңай бұғаттауға болатыны анықталды

Samsung телефондарын оңай бұғаттауға болатыны анықталды

2014 жылдан бері құрастырылған Samsung смартфондарының оңай бұғаттауға болатын кемшілігі бар екені анықталды, деп хабарлайды Stan.kz.
Бұл туралы қауіпсіздік сарапшысы Матеуш Юрчик мәлімдеді.
Оның сөзінше, кореялық ұйым әзірлейтін смартфондардың ең осал тұсы Skia графикалық қосымшасы арқылы суреттерді өңдеген кезде байқалған. Хаккерлер мұны пайдаланып ұялы телефондарды оңай бұғаттай алады екен. Осылайша олар телефоныңыздағы сізге қатысты барлық ақпаратқа оңай қол жеткізіп, тіпті, сіздің құрылғыңызды өзінің бақылауына алу мүмкіндігін иеленеді.
Юрчик бұл кемшілік 2014 жылдан бері құрастырылған барлық Samsung смартфондарына қатысты екенін айтады. Бұл Android жүйесінің суреттің жаңа форматы енгізілгеніне байланысты дейді ол.
Қазіргі таңда ұйым басшылығы жіберген қателіктерін түзеп, жаңа бағдарлама әзірлепті. Алайда жаңа бағдарламаны жүктеп үлгермегендердің саны беймәлім.
https://syr-media.kz/
11 мамыр 2020 ж. 73 0