Адамды тез қартайтатын тағамдар анықталды

Испаниялық Наварра университетінің зерттеушілер тобы өте өңделген тағамдардың адам жасушаларының қартаюын тездететінін анықтады. Нан-тоқаш өнімдері мен қытырлақ нандар, газдалған сусындар, түрлі десерттер, қант қосылған жүгері қауырсындары, қайта өңделген ет өнімдері мен жартылай фабрикаттар қатты өңделген тағам түрлері болып саналады. Олардың құрамында өте көп консерванттар мен бояғыштар, қант, май және тұз болады.

Сондай-ақ құрамында дәрумендер өте аз. Аталған тағамдар ағзадағы теломерлердің азаю процесін жеделдетеді. Зерттеушілер тобы 57-ден 91 жасқа дейінгі 886 адамның қатысуымен эксперимент жүргізді. Жұмыс нәтижелері бойынша күніне үш реттен артық ультра өңделген тағамдарды тұтынатын адамдарда теломерлердің қысқаруы екі есе көп жүретіні анықталды.

https://24.kz/