Қызылордада тергеу изоляторына әкелінген тағамнан телефон табылды
Қызылордада тергеу изоляторында қамауда отырған азаматқа танысы палауға жасырып ұялы телефон әкелген. Бұл туралы Қызылорда облысы бойынша Қылмыстық-атқару жүйесі департаментінің баспасөз қызметі мәлімдеді.Қамауда отырған азаматтың танысы «Samsung» маркалы телефон, «Beeline», «Activ» байланыс картасы мен 2 дана қуаттағыш құрылғысын фольга кағазына орап, тамақ ішіне жасырып өткізбек болған.
Қазіргі таңда аталған факті бойынша ҚР ӘҚБтК-нің 481 бабына сәйкес іс-құжаттары процессуалдық шешім қабылдау үшін Қызылорда қалалық әкімшілік сотына жолданды.
kyzylorda-news.kz
