Қазақстанда бір тәулікте 703 адамнан коронавирус анықталды
Денсаулық сақтау министрлігі өткен тәулікте Қазақстанда 703 адамнан вирус анықталғанын хабарлады. Оның ішінде ПТР арқылы 494 адамнан коронавирус расталса, 209 науқаста коронавирус инфекциясының белгілері бар пневмония тіркелген.
1 адам пневмониядан қайтыс болған. 64 науқас пневмониядан, 246 науқас коронавирустан жазылып шыққан.
Қазіргі уақытта коронавирустан 5 223 адам ем қабылдауды жалғастыруда. Олардың арасында 340 бала бар.
Стационарларда 2 572 науқас жатыр. 2 651 адам амбулаториялық жағдайда емделуде.
Науқастардың арасында 148 адамның ахуалы нашар. Соның ішінде 25 науқастың ахуалы аса қатты ауыр деп бағалануда. 26 науқас өкпені жасанды желдету аппаратында жатыр.
