Медиация жұбайлардың ұзақ жылдық некесін сақтап қалды

Арал ауданының тұрғыны О. некені бұзу туралы талап арызымен сотқа жүгініп, жауапкермен 2000 жылы заңды некеге тұрғанын, осы некеден үш баласы барын, жауапкермен дәм-тұзы жараспауынан отбасын сақтау мүмкін еместігін көрсетіп, некені бұзуды сұраған.

Алайда, дауды бейбіт жолмен шешудің тиімділігі, отбасылық құндылықтардың маңыздылығы туралы судья С.Бертаймен жүргізілген түсіндіру жұмыстарының нәтижесінде, ерлі-зайыптылар татуласып, дауды медиация тәртібімен реттеуге ниет білдірген.

Осыған орай, сотпен дауды медиация тәртібімен реттеу туралы жасалған келісімнің шарттарын бекіту және іс жүргізуді тоқтату туралы ұйғарым қабылданды.

Осылайша, 20 жыл бірге тұрған жұбайлардың қол жеткізген медиативтік келісімдері, отбасы құндылығын сақтап қалды.

Арал аудандық сотының баспасөз қызметі