Қашықтықтан оқыту семинары өткізілді

Қазақстан Республикасының «Цифрлық Қазақстан» мемлекеттік бағдарламасы аясында «Құжаттардың бірыңғай электрондық архиві» ақпараттық жүйесін енгізу жүзеге асырылуда. 2020 жылдың соңына дейін ақпараттық жүйені өнеркәсіптік пайдалануға беру жоспарланған. Аталған бағдарламаның мақсаты- құжаттарды цифрландыру, жалпыға ортақ қол жетімділікті қамтамасыз ету болып табылады.

Осыған орай, облыстық мәдениет, архивтер және құжаттама басқармасының ұйымдастыруымен ақпараттық жүйенің функционалдық мүмкіндіктерін пайдалану бөлігінде қашықтықтан (онлайн режимінде) оқыту семинары өткізілді.

Оқыту семинарына аудан әкімі аппаратының және аудандық дербес бөлімдер мен ауылдық округтердің жауапты мамандары санитарлық талап шарттарын сақтай отырып қатысты. Онлайн оқытуда номенклатура ісі, құжаттарды қабылдау, толықтыру көзі, тізім реестрі, құжаттарды өңдеу, сараптау, архивке өткізу, және өзге де жүйедегі функциялармен жұмыс жасау тәртібі түсіндірілді.

Арал ауданы әкімдігінің баспасөз қызметі.