Толқын Арал аудандық қоғамдық-саяси газет
» » ҚҰҚЫҚТЫҚ ОҚЫТУ СЕМИНАРЫ ӨТКІЗІЛДІ

ҚҰҚЫҚТЫҚ ОҚЫТУ СЕМИНАРЫ ӨТКІЗІЛДІ

Аудан әкімдігінің мәжіліс залында Қазақстан Республикасы Президентінің жанындағы Мемлекеттік басқару академиясының Қызылорда облыстық филиалының «Мемлекеттік қызметшілерді жаппай құқықтық оқыту» семинары өтті. Семинардың мақсаты - мемлекеттік қызметшілердің құқықтық мәдениетінің деңгейін арттыру, құқықтық мәдениетін жоғарылатуға, құқықтық сауатылығын қалыптастыруға бағыттау.
Аталмыш семинарға аудан әкімінің орынбасары Рүстем Өтешов төрағалық етті.
Семинарға ҚР Президентінің жанындағы Мемлекеттік басқару академиясының Қызылорда облыстық филиалының Білім беру бағдарламаларын іске асыру және ілгерілету кабинетінің меңгерушісі А. Тұрабаева қатысты.Сондай-ақ, күн тәртібіндегі «Мемлекеттік сатып алу туралы» Қазақстан Республикасының Заңына енгізілген соңғы өзгерістер мен толықтырулар, заң бұзушылықтардың алдын алу» мәселесі бойынша Қызылорда облысының мемлекеттік сатып алу басқармасының басшысы Ж.Ерсейтова, «Қазақстан Республикасының мемлекеттік қызметі» туралы Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бас маманы Б.Нұралы, «Еңбек кодексінің еңбек қатынастарын реттеудегі рөлі» туралы Қызылорда облысының еңбек саласындағы бақылау басқармасының бөлім басшысы Б.Досымов хабарлама жасады.
Жиынға қатысушылар баяндамашыларға сұрақтарын қойып, тұщымды жауаптар алды.
10 желтоқсан 2018 ж. 393 0