Құқықтық оқыту семинары өткізілді
Аудан әкімі аппаратының басшысы, Әдеп жөніндегі уәкіл Н.Бохаевтың төрағалығымен дербес бөлімдер мен қала, кент, ауылдық округ әкімі аппараттарының жауапты мамандарына арналған құқықтық оқыту семинары өтті.Алдымен нормативтік құқықтық актілер жобаларына сыбайлас жемқорлыққа қарсы ғылыми сараптама жүргізу қағидалары туралы аудан әкімі аппаратының мемлекеттік-құқықтық жұмыстар бөлімінің басшысы Б. Ізмағамбетов түсіндіріп өтті.
Одан соң нормативтік құқықтық актілер жобаларын «Ашық нормативтік құқықтық акт» интернет порталына орналастыру тәртібі жөнінде аудан әкімі аппаратының мемлекеттік-құқықтық жұмыстар бөлімінің бас инспекторы А. Дәрібаев баяндады.
Күн тәртібіндегі соңғы мәселе сыбайлас жемқорлық тәуекелдеріне ішкі талдау жүргізудің тәртібі туралы аудан әкімі аппаратының мемлекеттік-құқықтық жұмыстар бөлімінің бас маманы Е. Нақылов хабарлама жасады.
Семинарға қатысушылар хабарламашыларға сыбайлас жемқорлыққа қатысты өз сауалдарын жолдап, тұщымды жауаптарын алды. Жиын соңында қатысушылардың ұсыныс-пікірлері тыңдалып, жауапты мамандарға тиісті тапсырмалар жүктелді.
