Толқын Tolqyn.kz ақпараттық агенттігі
» » Таразда екі жасар сәби терезеден құлап кетті

Таразда екі жасар сәби терезеден құлап кетті

12 мамыр күні Таразда сағат шамамен 11.00 кезінде тағы бір қайғылы жағдай болды. Екі қабатты үйде ата-анасының қарауынсыз қалған 2016 жылы туған кішкентай қыз байқаусызда терезеден құлап кетті, деп хабарлайды Baq.kz ақпарат агенттігі ҚР ІІМ ТЖК-ға сілтеме жасап.

Қазіргі уақытта сәби ауруханада жатыр.
Төтенше жағдайлар комитетінің мамандары балалардың терезеге әртүрлі жиһаз түрлерін қолдана отырып шығып алатынын, сондай-ақ терезедегі москитті тормен қоса құлап кететінін айтты.
Сондай-ақ, мұндай жағдайдың көбі ата-ана мен туған-туыстың немқұрайлығы салдарынан болады. Кейде үйге баланы жалғыз қалдырып кеткенде терезені жабуды, жиһазды терезенің маңайынан алып тастауды ұмытып кетеміз.
«Құрметті ата-аналар, балаңызды үйде жалғыз қалдырмай, өзіңізбен бірге алып кету әлдеқайда қауіпсіз әрі дұрыс шешім. Тым болмағанда үйде балаңызбен бірге туысыңыз немесе танысыңызды қалдырып, қайғылы жағдайды болдырмаудың амалын жасаңыз», - дейді ТЖК маманы.
Baq.kz ​​​
13 мамыр 2018 ж. 1 624 0