Оңтүстік Қазақстанда жер үйде шыққан өрт салдарынан сегіз айлық сәби көз жұмды
Мерекелік демалыс күндерінің бірінде Отырар ауданындағы жер үйлердің бірінен өрт шығып, сегіз айлық бала көз жұмды, деп хабарлайды Baq.kz ақпарат агенттігі otyrar.kz сайтына сілтеме жасап.Қайғылы жағдай Отырар ауданы Шәуілдір ауылында болды. Төтенше жағдай департаментінің хабарлауынша, үйдің 6 шаршы метрін жалын шарпыған. Өрт сөндіру қызметі мен аудандық ішкі істер бөлімінің қызметкерлері өрттің шығу себебін анықтауда.
