Қазақстан бойынша 11-13 наурызға арналған ауа райы болжамы

Қазақстан бойынша 2021 жылғы 11-13 наурызға арналған ауа райы болжамы жарияланды, деп хабарлайды Stan.kz ақпарат агенттігі.

Қазгидрометтің хабарлауынша, температураның төмендеуі күтілуде. Синоптиктер кей жерлерде тұман, бұрқасын, көктайғақ, желдің күшеюі байқалатынын мәлімдеді.

"Жаңбыр мен қар түрінде мол жауын-шашын байқалатын циклонның артынан суық Солтүстік-Батыс антициклон жылжи бастайды. Онымен жауын шашынның қысқа мерзімге тоқтатылуы және ауа температурасының төмендеуі күтіледі. Елдің оңтүстік аймақтарына Жерорта теңізінің аудандарынан циклонның шығуы әсер етеді, ол жауын-шашын әкеледі, кей жерлерде қатты жаңбыр жауып, қар түседі. Кей жерлерде тұман, бұрқасын, көктайғақ, желдің күшеюі байқалады", - дейді синоптиктер.