Қиындықтарды еңсеріп, келешекке сеніммен қараймыз

2020 жылғы  желтоқсан айында «ҚТЖ «ҰК» АҚ, темір жол саласын дамыту жөніндегі жоспарланған бағдарламасы негізінде «Жолаушылар локомотивтері» құрылымы бөлімшесін ЖШС құрылымын құрып, жүк тасымалынан бөліп шығарды. «Жолаушылар локомотивтері» ЖШС үкіметтен бөлінетін субсидиясымен қаржыланып, негізгі мақсаты – жолаушы құрамалары тасымалын үздіксіз, ақаусыз жұмыс жасауын қамтамасыз ету.  Қазақстан бойынша 9 аймақтық бөлімше ашылған болса, соның бірі – Сексеуіл стансасында негізі қаланды.

Өз алдына құрылым болып, жұмысын енді бастап келе жатқан мекеме «ҚТЖ Жүк тасымалы» ЖШС-мен жасалған келісімшарт негізінде ТЭ33А сериялы 29 бірлік жолаушы тепловозын жалға алып, Илецк – Сексеуіл –Арыс, Сексеуіл– Жезқазған, Сексеуіл – Атырау, Сексеуіл – Маңғыстау телімдерінде жолаушы қозғалысының үздіксіз жұмыс жасауын қамтамасыз етуде. Жылдың соңына дейін жолаушы тасымалына негізделген ТЭП33А сериялы тепловоздарды өз балансына алып, жалға алу мәселесін азайтуға және жолаушы локомотив бригадаларында өз қарамағымызға алу мәселелерін қарастырудамыз. Әзірге жаңадан құрылған мекеме болғасын қиыншылықтар кездесуде, бірақ болашаққа зор үмітпен қарап, бұл қиыншылықтарды еңсеріп келеміз.

Б.АЯҒАНОВ,

«Жолаушылар локомотиві» ЖШС-ның Сексеуіл аймағы бойынша бастығы