Аралдықтар Арыс жұртшылығымен бірге
Түркістан облысы, Арыс қаласының әскери бөлімінде орын алған төтенше оқиғаға байланысты Арал ауданына қарасты Сексеуіл темір жол станцияларында оқиғаға орай кідірген 4 жолаушы пойызындағы 700 жолаушыға ыстық тамақ пен салқын сулар тегін таратылды. Пойыз бағытының өзгертілуіне орай, кент вокзалынан түсіп, жалдамалы такси қызметіне жүгінген жолаушыларға аудан әкімдігінің жедел ұйымдастыруымен Арал қаласындағы «Арай-Такси», «Шах-Такси» диспетчерлік орталықтарының 50 жеңіл автокөлік (әр түрлі сыйымдылықтағы) және ЖК «Жақсат и К» автовокзалының 2 үлкен автобусы (Икарус), 1 шағын автобус (18 орындық Спринтер) Сексеуіл теміржол вокзалына жұмылдырылды.Сонымен қатар, екі жолаушы пойызы («Москва-Бішкек», «Атырау-Алматы») «Сексеуіл» станциясы арқылы Жезқазған бағытымен Алматы, Бішкек қалаларына сапарын жалғастырды.Қазіргі уақытқа дейін барлығы 350-дей адам әр түрлі бағыттарға жөнелтіліп, қалған жолаушыларға қосымша Қазалы ауданынан 2 үлкен автобус (50 орындық Икарус), 2 шағын автокөлік (8 орындық) және Төретам қаласынан 3 үлкен автобус (50 орындық Икарус) жіберілді.
