Ауданға қажетті көмір қоры жасақталуда
Жалпы аудан бойынша алдағы жылу беру маусымына қатты отынға қажеттілік 15 000 тоннаны құрайды. Оның 6100 тоннасы әлеуметтік нысандар үлесінде болса, 8900 тоннасы тұрғындар қажеттілігіне есептелген. Бүгін көршілес аудандардан Арал қаласына және Сексеуіл кентіне темір жол арқылы 828 тонна, жүк көліктерімен 700 тонна көмір отыны жеткізілді. Алдағы бес күн ішінде ауданға 3 вагон (207 тонна) көмір келеді деп күтілуде.Сондай-ақ, әлеуметтік нысандарға қажетті 6100 тонна көмірдің қазіргі таңда 1600 тоннасы жасақталды.
Айта кету керек, аудан көлемінде орналасқан отын базаларында 1000 тоннадан астам қатты отын қоры бар.Тұрғындарға тас көмірдің тоннасы (Екібастұз кеніші) 13 500 теңгеден, ағаш көмір (Қаражыра, Шұбаркөл кеніштері) 15 500-16 500 теңге аралығында еркін босатылуда.
"Толқын" ақпарат
