«Pfizer» вакцинасын егу басталды

Арал ауданында 12-18 жас аралығындағы балалар және жүкті әйелдермен бала емізуші әйелдерге арналған «Pfizer» вакцинасын егу басталды. Бұл туралы  Арал аудандық орталық ауруханасының бас дәрігерінің орынбасары Лаура Әділбаева мәлімдеді.
– Дүниежүзілік Денсаулық сақтау ұйымының ұсынған «Pfizer» вакцинасының ерекшелігі – оның құрамында вирус болмайды. Бүгінде аудандағы  барлық емханаларда дайындық жұмыстары пысықталған. Өткен аптада «Pfizer»-дің ауданға 90 дозасы жеткізілді.  Ата-аналардың келісімімен 12-18 жастағы 2 студент жасөспірім салдырды.  Сондай-ақ 16-37 апта аралығындағы 32  жүкті әйелдер мен босанғанына 42 күн болған 56 бала емізуші әйелдерге салынады. Қазіргі күні олардың денсаулығы бірқалыпты. Учаскелік дәрігерлердің жіті бақылауында, – деді Л.Жанысқызы.
Жалпы,  Қызылорда облысы «жасыл» аймақта. Өткен аптада «Pfizer»-дің облысқа 23400 дозасы жеткізілген. Осы күнге дейін өңірде 1590 тұрғын «Pfizer» вакцинасын салдырды. Оның ішінде жасөспірімдер – 1156, жүкті әйелдер – 233 және емізулі баласы бар аналар 201. Ендігі ахуалды ушықтырмай ұстау біздің әрбірімізге байланысты. Сол себепті вакцина салдырып, ұжымдық иммунитет қалыптастыруға асығайық.
«Толқын» ақпарат