Мемлекеттік қызметкер – елдің азаматы

Айналамызға риясыз қызмет ету - әрбір адамның парызы. Кез келген адам рухани өсуі негізінде қоғаммен тығыз байланыста болады. Адам мен қоғам тығыз байланыста. Адамды адам ететін де қоғам. Осы орайда Қазақстан Республикасының Тұңғыш  Президенті  Н.Ә.Назарбаев  елді тиімді басқару үшін мемлекеттік қызметшінің бойында болуы тиіс негізгі қасиеттерді атап көрсеткен болатын. Елге қызмет ететін азамат ең бірінші өзінің тікелей міндеттерін білуі керек. Елбасы Н.Ә.Назарбаев тұлғасы ел өміріндегі тұтас дәуірді белгілейді. Елбасы өз мақаласында атап көрсеткендей, адам мұраты-қоғамға қызмет ету мен оны сыйлау. Ұлттық рух бар жерде, рухани жаңару күш алады. Елбасының қызмет жолы кім- кімге де үлгі. Елбасы тұлғасына, оның ел тарихына деген құрметінен рухтанып, тәрбие алары ешкімнің   таласын тудырмасы керек. Елбасы феноменінен оның тұлғалық қасиеттері көрініп тұрады.       

Елбасының сындарлы жылдардан өту саясатының өзі ұзаққа көз жүгіртіп, стратегиялық бағытта  жүрген жолы "Nur Otan" партиясының бағдарламасынан бастау алады. Халықтың назары мемлекеттің ішкі және сыртқы саясатында болғандықтан, партияның барлық бағдарламалық жұмыстары да соның аясында болады. Бүгінде  партияның өзіндік дәстүрі, қол жеткен табысымен өзінің жұмысын алға қарай тартуда. Оның жақтастары  да бар. Елбасының күні бүгінге дейінгі жолдаулары мен сарабдал саясаты барша қазақстандықтардың мүддесін ескеруі елдегі тұрақтылық пен бірліктің негізіне айналды. Халыққа жасаған жолдаулары болсын,жазған мақаласы мен кітаптары кез келген азаматқа бағдаршам іспетті. Сондықтан да көшбасшылық пен іскерліктің нәтижесі үнемі көрініп тұрады. Жуырда жасаған Елбасының "Тәуелсіздік тағылымы" мақаласында 30 жыл бойы жүріп өткен тәуелсіздік алғаннан кейінгі тарихи оқиғаларды сөз еткен. 1992  жылы бүкіл жер бетіндегі қазақтардың басын қосып, құрылтай шақыруының өзі неге тұрады?! Кезінде тарыдай шашылып, қиын-қыстау заманда шекара асқан ата-бабаларымыздың ұрпақтары келіп, туған жердің қара топырағына бас иген сәті,біздер үшін қуаныш емес пе?
Бұл да болса, Елбасының "ел болам десең, етегіңді жина" дегендей, жасалған басқосу болатын. 1993 жылы қаңтар айында елдің ең басты құжаты –  Ата Заңымыздың қабылдануының өзі сол елде өмір сүріп жатқан халықтардың бірлігін ойлауы. Міне,айта берсе көп... Елдің астанасы етіп Сарыарқаның төсінен қала таңдауының өзі саяси астары бар таңдау болды. Дамыған мемлекеттердің тұрпатында қаланы айшықтаудың өзі Елбасының төл еңбегі деп айтар едім. Жеткен жетістік көп. Сол жетістікке талай белестерден өтіп, келген демократиялық Қазақстан қоғамы осы тарихи кезеңде тағылымы мол жаңалықтарды бастан өткізіп келеді. Ауасы таза, суы мөлдір, табиғаты шұрайлы Қазақстан мемлекетінің өркендеуі мен өркениетке бой ұруы оның дамуының белгісі  деп ойлаймын.

Ш. Жангүшікова,
аудандық мәслихат депутаты