Қызылордада есірткі қылмысына байланысты бес адам қолға түсті

Қызылордалық полицейлер қала тұратын күдікті азаматтың жеке пәтерінен есірткі затына ұқсас затты анықтады.

Сараптама қорытындысына сәйкес, экстракциондық апиын екені дәлелденді. Сонымен қоса күдіктімен сыбайлас тағы 4 азамат құрықталды. Олар бұрын сотты болғандар.

Оқиға орнынан 6 еріткіш құтысы, 25 медициналық шприц, 9 аммияк ерітіндісінің құтысы және асхана бөлмесіне қажетті құрал-саймандар айғақ зат ретінде алынды.

Аталған дерек бойынша, ҚР ҚК 296 бабының 2-бөлігімен (Есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) сотқа дейінгі тергеп-тексеру амалдары жүргізілуде.

syrboyi.kz