Ертеңнен бастап күн суиды
Алдағы үш күнде Қазақстанда қатты жауын-шашын болады, термометр -28 градусқа дейін төмендейді, деп хабарлады Қазгидромет.Алдағы үш тәулікте Қазақстанның солтүстік жартысы Солтүстік-батыс антициклонның ықпалында қалады, осыған байланысты ауа райы аязды, көбіне жауын-шашынсыз болады.
«Түнде термометр бағаны 20…28 градус аязға дейін жетеді. Елдің оңтүстік жартысына Оңтүстік циклон және онымен байланысты атмосфералық фронттар әсер етеді, жауын-шашын, кейде қатты жауын-шашын (жаңбыр, қар) түседі, жел күшейіп, көктайғақ болады және ауа температурасы күндіз 0…+10 градусқа дейін, түнде 0…-10 аязға дейін төмендейді деп болжанып отыр», – делінген хабарламада.
Сондай-ақ синоптиктер республика бойынша тұман түсуі мүмкін екенін ескертті.
kyzylorda-news.kz
