Суға түссеңіз, сақ болыңыз!

Жаз келіп, суға түсу маусымы басталар тұста біздің құтқарушы жігіттеріміз барлық автокөлікті жөндеп, жүзу құралдарын толық дайындап қойды. Сүңгуірлердің апаттық-құтқару жасағы тәулік бойы кезекшілік етуге кірісті. Осы жұмыстардың барлығы бір ғана мақсатқа, адам өмірін сақтауға жұмылған. Арал ауданының төтенше жағдайлар бөлімі дене қызуының күрт төмендеуі қан тамырларын бірден жиырып, талып қалуға әкеп соқтыратынын ескертеді. Сол себептен шомылуды желсіз, ашық ауа райында бастаңыз, ауаның температурасы 20-25, судың температурасы 17-19 градустан кем болмағаны жөн. Сондай-ақ суға абайлап түсіңіз, жүзу білмесеңіз, белден асатын тереңдікке бармаңыз. Тайыз жерде тоқтап, басыңызды суға батырып шомылыңыз. Өзіңізді қалтырап тоңуға дейін жеткізбеңіз. Суға жалғыз шомылмауға тырысыңыз және бірден тамақ ішкеннен кейін және мас күйде шомылмаңыз.

Сондай-ақ суға түсу кезінде мына жайттарды естен шығармаңыз:

– қоршау белгілерінен тысқары жүзбеңіз;

–тыйым салынған жерлерде шомылмаңыз;

– балаларды қараусыз қалдырмаңыз;

– шомылғанда камераларды, доптарды, тақтайларды, үрмелі матрацтарды пайдаланбаңыз және суда ойнап, шолжаңдауға жол бермеңіз;

 – өтіп бара жатқан катерлерге, қайықтарға қарай жүзбеңіз;

– суға көпірлерден, тоғандардан, айлақтардан, қайықтар мен катерлерден, катамараннан секірмеңіз, таныс емес жерлерге сүңгімеңіз;

– иесіз және техникалық ақаулары бар қайықтарды пайдаланбаңыз;

– қалқымалы құралдарға техникалық төлқұжаттағы көрсетілген артық жолаушылыр мен жүктерді алмаңыз;

–тұмсығына отырмаңыз;

– бір орыннан екінші орынға, бір қайықтан екінші жүзетін құралға ауысып отырмаңыз;

– қайықтан суға сүңгімеңіз, қараңғыда жалғыз суға түспеңіз; – қасында ересектер болса, 14 жасқа дейінгі балалардың жүзгіш құралдарды пайдалануына тыйым салынады.

Суға шомылу барысында сіңірі тартылған адам өзіне-өзі көмек көрсете алады. Оның тәсілдері мынадай: қолдың саусақтары тартылса, тез саусақтарыңызды жұмып, жұдырығыңызды түйіңіз, қолды жанжаққа жұлқи лақтырғандай қимыл жасап, жұдырығыңызды ашыңыз. Балтыр-аяқ бұлшық еттері тартылса, аяқты бүгіңіз, сіңірі тартылған аяқтың табанын ұстаңыз және өзіңізге қарай қатты тартыңыз. Сан бұлшық еттері тартылса, аяқты сирақтың сырт жағынан ұстаңыз және оны тізеге бүгіп, артқа, белге қарай тартыңыз. Сіңірдің тартылуы кетпесе, осы әдісті тағы қайталаңыз. Құрметті оқырмандар! Суға шомылып, демалу кезінде қайғылы жағдайларға душар болмау үшін қауіпсіздік ережелерін сақтап, немқұрайлылықтың құрбаны болмаңыздар.

Аудандық төтенше жағдай бөлімі