Үндеу ел сенімін еселей түсті
Санаулы күннен соң тұтас ұлт болып үлкен өзгерістерге бастайтын маңызды қадам жасамақпыз. Расында ел тарихында қалатын бұл сәт әсіресе Ата Заңдағы бірқатар баптарға өзгерістер енгізуге айқын жол ашпақ. Бір анығы ел тағдыры әрбір қазақстандықтың тағдыры. Мұны Мемлекет басшысы да растайды.«Алдағы референдум мемлекетімізді нығайтуға және қоғамды тың серпінмен дамытуға жол ашады. Мен әрбір азаматымызды ел тағдырын айқындайтын тарихи таңдау жасауға шақырамын. Бұл референдумда әр түрлі азаматтың дауысы – маңызды. Әрбір азамат тұтас ұлттың тағдырына, яғни тікелей өз тағдырына оң ықпал ете алады», - деді Президент бүгінгі жасаған үндеуінде.
Ендеше өзгеріс үшін өз таңдауымызды жасайық. Бұл бәріміз үшін маңызды.
А. ҚАСЫМОВА,
қала тұрғыны
