Елдің ертеңі үшін өз таңдауымызды жасайық
5 маусым күні өткізілетін референдумға санаулы күндер қалды. Бұл күнгі болатын ауқымды өзгеріс, ел тарихындағы аса маңызды қадам болмақ. Ата-заңға енгізілетін өзгерістер Жаңа Қазақстанның бағыт-бағдарын айқындап береді. Сол себепті жаңа Қазақстанда қоғамның пікірі маңызды. Президентіміз өзінің осы бастамасы арқылы азаматтарды ел өміріне белсене араласуға шақырып отыр. Қасым-Жомарт Кемелұлының, референдум әрбір азаматтың елдің тағдырын айқындауға тікелей қатысу мүмкіндігі дегені сондықтан. Бұл қадам, бір жағынан, билік пен қоғамның арасындағы әлсіреген сенімді нығайтуға да оң ықпалын тигізетіні анық.Жаңа белеске қадам басатын Жаңа Қазақстанның болашағы үшін әрбіріміз референдумға қатысып, өз таңдауымызды білдірейік. Бұл – біздің азаматтық, осы елдің ертеңіне алаңдайтын перзенті ретіндегі борышымыз.
К. ЗДЕНОВА
