Ел болашағы үшін референдумның маңызы зор

Референдум өткізу «Жаңа Қазақстан» құру жолындағы алғашқы нақты әрі батыл қадам. Өйткені, мемлекеттік құрылыстың құқықтық негізін құрайтын Ата Заңымызға енгізлетін өзгерістер халық талқысына шығарылып, барша қазақстандықтардың ой-пікірін ескере отырып, қабылданғалы отыр. Біз болашақ даму жолымызды бүкіл ел болып бірлесе шешкелі отырмыз.

Бұл қадам ел ертеңі үшін әрбір азаматтың ой-пікірінің қаншалықты маңызды екенін, жаңа мемлекет құруда өзінің де үлес салмағы барын сезінуге мүмкіндік береді. Қазақстанның болашағын азаматтардың өзі таңдайтын бүкілхалықтық референдумға халықтың жоғары деңгейде қатысатынына сенімім мол.
Сондықтан ортақ ұмтылысымыздың нәтижелі болатынына еш күмән жоқ.

Кенжебек ТІЛЕПОВ,

Арал қаласы, № 64 орта мектеп директоры