Мұз үстінде абайлаған абзал

«Өзен жағалағанның өзегі талмайды» деген тәмсіл бар. Облысымыздың өзге аймақтардан айырмашылығы дарияның жағасында орналасқанымыз. Бұл әлеуметтің әлеуетін арттыруға зор септігін тигізгенімен қатар, сақтық шарасын да естен шығармауға үндейді. Менің айтпағым да осы. Жылдың қолайсыз мезгілі саналатын абыржы кезінде тереңнен су маржанын терген қауым асқан сақтықты қаперде ұстағаны жөн.

Себебі, бұл уақыт сірескен сеңнің сетінейтін сәті. Қыстай ұстасқан мұз жұқарып, балық аулауға немесе көлікпен жүруге айтарлықтай қауіп төндіреді. Бұл жөнінде төтенше жағдайлар бөлімі үнемі осы тұрғыдағы сақтық ережелерін жұртшылыққа түсіндіріп, ұдайы ақпараттандырып отыр. Сондықтан да сақтық шараларын қай кезде де есте ұстап жүрейік.

Жаңабек ЖҮСІПОВ,

Қызылжар ауылдық округінің жетекші маманы