Ерімбетжағалықтар өз таңдауларын жасауда
Таң білінгеннен ел болашағы үшін сайлау учаскелеріне ағылған жұртта есеп жоқ. Барлығының да лайықтыны таңдауда белсенділігі зор. Бұл күні Қарақұм ауылдық округі Ерімбетжаға елді мекенінің №2 сайлау учаскесі және сайлау комиссиясы өз жұмыстарын бастады. Қазақстан Республикасы Парламент Мәжілісінің және Мәслихаттары депутаттарының сайлау қарсаңында ауыл тұрғындарының да белсенділігі жоғары.Сайлау учаскесіне келген ең алғаш дауыс беруші ауыл тұрғыны Марата Тұрсынов болды. Ал ауыл тұрғыны Кеуілімжай ақсақалдың бұл сайлаудан күтер үміті зор. Өйткені әділ таңдау жасалған жерде елге жанашыр азаматтар ел сеніміне ие болады. Сондықтан қай сайлау науқанында болсын тұрғындар белсенді. Батыр ана Нәзен Сексенбаева да сайлаушылар қатарынан табылды. Бұл сайлау науқанында 100-інші дауыс беруші Сағындық Жаңабаев.
