Сақ болыңыз! Алаяқтар банк атынан Рамазан айына орай сыйлықтар "беріп жатыр"

WhatsApp-та Halyk Bank атынан Рамазан айына орай сыйлықтар ұтысына қатысуға шақыратын хабарлама тарады. Бұл - алаяқтардың ісі, - деп хабарлайды Massaget.kz тілшісі Stopfake.kz сайтына сілтеме жасап.

Halyk Bank-тің ресми сайтында Рамазан айына орай сыйлықтар табысталатыны немесе ұтыс ойыны өткізілетіні туралы хабарландырулар жоқ.

Банктің Instagram-дағы және Facebook-тегі ресми парақшаларында да мұндай ақпарат жарияланбаған.

Хабарламада фишинг схеманың белгілері бар. Онда қолданушыларға материалдық пайда табу ұсынылады және белгісіз әрі қауіпті сайтқа сілтеме жасалады.