Қазан айында қанша демалыс күні бар

Бескүндік жұмыс аптасында қазақстандықтар 10 күн демалып, 21 күн жұмыс істейді, деп хабарлайды BAQ.KZ.

Семей қаласы әкімдігінің баспасөз қызметі мәліметінше, аптасына алты күн жұмыс істейтіндерді 6 демалыс пен 25 жұмыс күні күтіп тұр.

2023 жылдың оныншы айында Республика күні бір күн демалады.

Сондай-ақ демалыс берілмейтін бірқатар мереке бар. Атап айтқанда:

• 1 қазан - Қарттар күні мен Радио күні;

• 5 қазан - Мұғалімдер күні;

• 6 қазан - Қорғаныс өнеркәсібі қызметкерлерінің күні;

• 10 қазан - Қазақстан кәсіподақ күні;

• 16 қазан - Нан күні;

• 19 қазан - Құтқарушылар күні;

• 25 қазан – Республика күні

• қазанның үшінші жексенбісі - Орман шаруашылығы қызметкерлері күні;

• 29 қазан - Күзет ұйымдары қызметкерлері күні;

• қазанның соңғы жексенбісі - Әлеуметтік қорғау жүйесі қызметкерлерінің күні.