Толқын Tolqyn.kz ақпараттық агенттігі
» » «AMANAT»: Арал ауданында 130 орындық балабақша пайдалануға берілді

«AMANAT»: Арал ауданында 130 орындық балабақша пайдалануға берілді

«AMANAT» партиясының Сайлауалды бағдарламасы аясында Арал ауданында салынған балабақшаның салтанатты ашылу рәсіміне аймақ басшысы Нұрлыбек Нәлібаев пен партияның облыстық филиалының төрағасы Наурызбай Байқадамов қатысты. «Жансая» - деп аталған бөбекжай балабақшасы 130 орынға шақталған. Жоба құны 90 млн тг құрайды. Жаңадан ашылған балабақшада 41 жаңа жұмыс орны құрылды.
Атап өту керек, «AMANAT» партиясы өзінің 5 жылды қамтыған Сайлауалды бағдарламасында өңірде 2 жастан 6 жасқа дейін балаларды сапалы мектепке дейінгі тәрбиемен және оқытумен қамтуды 99 пайызға, 3 жастан 6 жасқа дейін балаларды сапалы мектепке дейінгі тәрбиемен және оқытумен қамтуды 100 пайызға жеткізуді жоспарлаған болатын. Қазіргі таңда 2-6 жастағы балалардың мектепке дейінгі тәрбие мен оқытумен қамту ағымдағы жылға 89 % құрап, жоспар толығымен орындалды. Арал ауданы бойынша биыл бұл көрсеткішті 88,2 пайызға жеткізу көзделіп отыр.
Бүгінгі күні облыста мектепке дейінгі білім беру деңгейінде 680 ұйымда – 54 129 бала тәрбиеленіп, 3 пен 6 жастағы балалардың қамтылуы - 100 %-ды құрауда. Мектепке дейінгі ұйымдардың 225-і мемлекеттік, 455-і жеке. Балабақшалар желісін кеңейтудің қадамдық жоспары негізінде, ағымдағы жылы 3 221 орынға лайықталған 19 жеке балабақша пайдалануға беру жоспарланса, бүгінгі күнге 1543 орындық 14 балабақша ашылды. Қалғаны жыл соңына дейін іс қосылмақ.
#AMANAT
02 қараша 2023 ж. 203 0